Raaste ke us mod par . . .

Raaste ke us mod par aaj bhi ek roshni hai … dekhu to paas hai … sachchai mein ek marichika,

Bahut socha, bahut roya, ho gaya bahut, ab baki hai khud ko sametna aur aagey badhna.

Zindagi ke rang bhi hain bahut ajeeb … jo dukh hai wahi shudh bhi … jo jeevan hai wahi mrtyu bhi

Kya kiya, kyun kiya … ho gaya bhool ja … ye maan le ki isme teri galti nahin ya kuch baaton pe zor nahin,

Kabhi kabhi raaste mein mil jaate hain kuch chehre aise, lagte hain apne se, dete hain wo sapne aise, ban jaate hain khaas,

Lekin sachchai jab maloom padti hai, ek ajab se kashmkash hoti hai saath,

Raaste ke us mod par aaj bhi ek roshni hai … dekhu to paas hai … sachchai mein ek marichika.